حل مشكلة عدم شحن الهاتف وتلف سوكت الشحن:
kanuktur alshahn
عطل الشحن
السلام عليكم ورحمة الله وبركاتة
النهارده هنتكلم عن اكثرعطل يحدث فى الهواتف وهيقابلك كتير في مجال صيانة المحمول:الا وهوا عطل الشحن ممكن يكون العطل بسبب حاجه بسيطه جداتقدر تعملها
في ثواني وممكن تكون حاجه تاخد وقت كتير جدا وبحث وقياس كتير فا ربنا يوفقنا وننفع بعض ببعض ونتعلم من بعض العلم والخبره المكتسبه هاتيجي مع الشغل عشان والعمل :
1-الجهاز لا يشحن ازاي تتعمل مع العطل ده اولا وانت بتستلم الجهازمن العميل بص علي سوكت الشحن ممكن يكون فيه وسخ او اكسده او مكسور من جوه وجرب الشاحن عليه لو اكسده او مكسور من جوه هيبقي تغير سوكت لو مش كده بقي يبقي لازم نجرب شاحن موثوق منه اواصلى دي قاعده اساسه في مجال الصيانة واوعي تمشي ورا كلام العميل ابدا جرب شاحن الاول لو اشتغل يبقي مشكلتك اتحلت والشاحن
هوا اللى هايتغير
ولو مشتغلش يبقي هنفك الجهاز وبعد مانفك الجهاهانعمل الخطوه رقم 1 في عطل الشحن وهيا تغيير السوكت ولازم تتأكد ان رجول السوكت متوصله صح والحام تمام علي الرجول ومفيش اي رجول لازقه في بعضها وتجربعلى الباورسبلاى لواشتغل يبقى شغلك تمام وتقفل الجهاز
لو مش شغال يبقي هنستخدم الجهاز السحري بتاعنا: (الافوميتر) هتجيب وضع البزر وتقيس رجول السوكت كلهم وتتأكد منهم بصوره من النت او مخطط او بورده زيها
تكون متأكد انها شغالة ومفيهاش خلل في الدايره دي لولقينا رجل من الرجول مش متوصله ومش بتدي قرأه علي الافوميتر يبقي هنعوضها بكوبري ونجرب لو ملقيناش حاجه مقطوعه والكل تمام يبقي هنحول الجهازعلي وضع الفولت ونقيس 5 فولت علي رجول سوكت الشحن وانت شابك الشاحن ونمشي بردو ورا المخطط ونشوف الفولت بيجي علي انهي مكون ويكون مفقود عليه نقيس من رجول السوكت وصولا الي ايسي الشحن او منظم الشحن الي ريش البطاريه
ملحوظه لو بتجرب بلسانك تشوف لسعه علي ريش البطاريه مع الشاحن في اجهزه كتير مش بتدي لسعه جرب علي البطاريه الاول
2- الشحن الوهمي
جرب شاحن وبطاريه اصليين وشوف لوالشحن مرفعش
هتوصل الجهاز علي الباور سبلاي وتشوف سحب الامبير بتاعه لو ساحب لوحده والمؤشر رافع بدون ضغطة باور يبقي فيه تسريب في شحن الجهاز وده بيهبط الشحن ولوكده يبقى هتبدء تدورعلي المكون الي بيسرب الشحن لان التسريب ده ممكن يتسبب في نزول نسبة البطاريه علي الشاحن
لو مش تسريب ومش شاحن ومش بطاريه هيكون بنسبه كبيره تغيير سوكت الشحن
بسوكت شحن غير وجرب وان شاء الله يظبط معاك ويبقي تمام لو مش السوكت يبقى مكون من مكونات دايرة الشحن وبالقياس والتتبع هتعرف ايه الي بيسرب شحن الهاتف
ملحوظه في بعض الاجهزه زي ال y3c عطل الشحن الوهمي ده بيكون من المقاومه الصفره الي تحت ريش البطاريه ودي بتستبدلها او بتقفل عليها من فوق وبتظبط بأذن الله المقاومة دي لزمتها ايه المقاومه دي بتدي معلومه للبروسيسور ان الجهاز ده شحن تمام فا لما بيحصل فيها تلف بتفضل موصله للبروسيسور الاشاره ان الجهاز شحن تمام فا انت لما بتقفلها الاشاره بتروح ان الجهاز لسه محتاج شحن فا بيرفع معاك فى الشحن بس فيها خطر ان الجهاز ممكن ينفخ البطاريه لو اتساب علي الشاحن لفتره طويله اوي
انما لو استبدلتها هتبقي طبيعي مفيش اي مشاكل
3-لو الجهاز بيشحن ببطئ ده بردو بيكون نفس الي بيحصل مع الشحن الوهمي في القياسات وتغيير السوكت بس في الاغلب ممكن يكون الجهاز محتاج شاحن الامبير بتاعه عالي وصاحبه بيشحنه علي شاحن ضعيف
4-لو فيه رسالة بتقول ان الشاحن غير مدعوم ده بقي بيكون مش عطل في دايرة الشحن خالص ده بيكون عطل في دايرة ال Bsi والي ميعرفش ايه هى الدايره دى فا دي هى
الريشه اللي بين ريشة الموجب وريشة السالب للبطاريه ودي بتكون مسئوله عن معلومات الشحن ومعلومات البطاريه يبقى هنقيس ال: Bsi وهنشوف الخلل فين ونعالجه سواء بأستبدال الريش او بكباري علي حسب المشكله وممكن تكون من البطاريه نفسها فا نجرب بطاريه غيرها الاول للأمان
5-درجة حرارة البطاريه وده بيكون عطل في المقاومه الحراريه هتجيب مكانها علي البورده من المخطط او من النت وتستبدلها من البورده اللى زيها ودي مينفعش تقفل مكانها
6-اما بالنسبه للأيفون بيجيلك الجهاز مش بيشحن او شحن وهمي بتغير الشاحن وتجرب لو مشتغلش جرب بطارية تانى ولومشتغلش هنغير فلاته ونجرب ممكن تجرب كل ده من غير ما تفك حاجه من مكانها سواء كان البطاريه او الفلاته طب لا ده ولا ده ظبط يبقى هنجيب المخطط ونبدء قياس في المكونات بقي كل مكون لوحده لحد ما نوصل للأيسي ال/ u2 اللى ممكن يكون هوا المسبب للعطل ده بس لازم نعمل السهل الاول وبعد كده الصعبه لازم تقيس الدايره كلها الاول وتتأكد انها سليمه وتشوف الاول قبل ما تغير اي حاجه:
دى كانت بعض اعطال شحن الهاتف المحمول
يارب شرح مفيد
ودمتم فى امان الله
والسلام عليكم ورحمة الله وبركاتة
ليست هناك تعليقات
إرسال تعليق